Hindi Movie " READY"
Free Download
Saturday, June 11, 2011
Sunday, January 30, 2011
ફણગાવેલા ઘઉં અને કોબીજનો પુલાવ
ફણગાવેલા ઘઉં અને કોબીજનો પુલાવ
સામગ્રી :-
૧/૨ વાટકી ફણગાવેલા ઘઉં
૩/૪ વાટકી ચોખા
૨૫૦ ગ્રામ કોબીજ
૧ નંગ ડુંગળી
૧ નંગ ટમેટું
૧ નંગ લીલું મરચું
૩ – ૪ નંગ લવિંગ, તજ, એલચી
૧ નાનો ટુકડો આદુ
લીલા ધાણા
મીઠું અને ગરમ મસાલો સ્વાદ મુજબ
રીત :-
ઘઉંને ૮ કલાક પલાળ્યા પછી જાળી જેવા પાતળાં કપડામાં ૨૪ કલાક બાંધીને રાખી મૂકો, તેમાં અંકુર ફૂટી આવશે.
ચોખા ને ધોઈને થોડું પાણી લઈ પલાળો. કોબી, ટમેટું અને ડુંગળીને બારીક કાપી લો.
કોથમીરને ઝીણી સમારીને બાજુ પર રાખી દો.
એક કડાઈમાં થોડું ઘી અથવા તેલ લઈ તજ, લવિંગ અને એલચીનો વઘાર કરો. મરચાંને ઝીણું સમારીને નાખો.
ચોખામાંથી પાણી કાઢી લઈ તેને વઘારમાં નાખી શેકી લો. શેકાય જાય એટલે તેમાં ઘઉં તથા કોબીજ નાખી ફરી ૨ થી ૩ મિનિટ સુધી શેકો.
હવે તેમાં ૩ વાટકી પાણી ઉમેરો, ત્યારબાદ મીઠું, હળદર તથા ગરમ મસાલો નાખી હલાવી ઢાંકી દો. ઊકળી જાય એટલે ધીમા ગેસ પર રાખી ચડી જાય ત્યાં સુધી રાખો.
આ પુલાવને રાયતા કે ચટણી સાથે પણ પીરસી શકાય છે. પીરસતી વખતે લીલા ધાણા અને દાડમના દાણા નાખીને સજાવી શકાય.
ન્યુટ્રિશીયસ વૅજીટેબલ ખીચડી
સામગ્રી :-
૧ કપ મગની દાળ ફોતરાવાળી
૧ કપ ઘઉંના ફાડા
૧/૨ કપ બટાટા સમારેલા
૧ કપ લીલા વટાણા
૧ કપ ઝીણી સમારેલી ફણસી
૧/૨ કપ ફણગાવેલા દેશી ચણા
૧/૪ કપ કૅપ્સિકમ ચોરસ ટુકડામાં સમારેલાં
૧ કપ સમારેલા કાંદા
૪ થી ૫ કળી લસણ
૧ ટેબલ સ્પૂન આદુ-મરચાંની પેસ્ટ
૧/૨ ચમચી મરી
૧/૨ ચમચી હળદર
૧ ચમચી મરચું
સ્વાદ અનુસાર મીઠું
વઘાર માટે :- ૧ ટુકડો તજ, ૩ લવિંગ, ૧ ચમચી જીરું, ૧/૪ ચમચી હિંગ, ૩ ચમચા ઘી.
રીત :-
સૌ પ્રથમ મગની દાળ અને ફાડાને ધોઈને અડધી કલાક પલળવા દો. પાણી નિતારીને બાજુ પર મૂકો. હવે પાંચ કપ પાણી ઉકાળીને રાખો. સમારેલી ફણસીને પાણીમાં બાફીને નિતારી લો. ત્રણ ચમચી ઘી કૂકરમાં મૂકી તેમાં તજ, લવિંગ જીરું અને હિંગનો વઘાર કરો. તેમાં લસણની પૅસ્ટ નાખીને હલાવો, ત્યારબાદ કાંદા ઉમેરો ફરીથી થોડું હલાવી તેમાં દાળ, ફાડા અને સમારેલાં શાક અને મસાલો નાખી પાંચ થી છ મિનિટ સાંતળો. હવે તેમાં ગરમ કરેલું પાણી ઉમેરી, પ્રેશર કૂકર બંધ કરો. ચાર થી પાંચ સીટી વાગવા દો. કૂકર ઠંડું થાય પછી તેને ખોલો અને ખીચડીને ઉપરથી થોડું ઘી નાંખીને હલાવી નાંખો.
સર્વિંગ બાઉલમાં કાઢીને દાડમનાં દાણા, ફીણેલી મલાઈ અને લીલી કોથમીરથી સજાવીને દહીં, લીલી ચટણી સાથે ગરમ ગરમ પીરસો
સૉર કોકોનટ પુલાવ
સામગ્રી :-
ચોખા – ૧ વાટકી
લીલી ડુંગળી – ૨૫૦ ગ્રામ
કાચી કેરી – ૨ નંગ
વટાણા – ૧૦૦ ગ્રામ
ઘી – ૨ -૩ ટેબલ સ્પૂન
કૅપ્સીકમ – ૧ નંગ
જીરુ
મીઠુ – સ્વાદ પ્રમાણે
કોપરાનુ છીણ – ૧ વાટકી
તજ ૨ – ૩ ટુકડા
લવિંગ ૩ થી ૪ નંગ
લીલા મરચા ૪ નંગ
રીત :-
ચોખાને થોડી વાર પલાળી રાખો ત્યાર બાદ તેને ૧/૨ ટી સ્પૂન મીઠું અને ૧ ટી સ્પૂન ઘી નાખીને બાફી લો.
કેરી ની છાલ કાઢીને છીણી નાખો, લીલુ કોપરું પણ છીણી નાખો,
ફણસીને ઝીણી સમારી અને વટાણા સાથે બાફી લો.
લીલી ડુંગળીને બારીક સમારી લો.કૅપ્સીકમને પણ પાતળા અને લાંબા સમારી લો.
હવે એક કડાઈમાં ઘી મૂકીને જીરૂ, તજ, લવિંગ, તમાલપત્રનો વઘાર કરીને લીલા મરચાંનાં પીસ નાખો, લીલી ડુંગળી પાન સહીત નાખો અને કૅપ્સીકમ નાખીને સાંતળો. સ્વાદ અનુસાર મીઠું ઉમેરો
બીજી કડાઈમાં ઘી મૂકીને કેરી અને કોપરાનું છીણ સાંતળીને ભાતમાં નાખો
ભાત અને બધાં શાક તથા સામગ્રી મિક્સ કરીને બે મીનીટ માટે ગરમ કરો.
નીચે ઉતારીને પુલાવ સર્વીંગ બાઉલમાં કાઢો, તેને લીલી કોથમીર અને કોપરાનાં છીણથી સજાવો.
ગરમાગરમ સર્વ કરો
સોયા – કૉર્ન ટિક્કી
આજની વાનગી ખુશ્બૂ તરફથી ……
સામગ્રી :-
૧ કપ મકાઇના દાણા
૧/૨ કપ સોયા ચન્ક્સ
૧/૪ કપ દાળિયા
૪-૫ લીલા મરચા (બારીક સમારેલાં)
૨ ટી સ્પૂન આદુ-લસણની પૅસ્ટ
૨-૩ ટી સ્પૂન લીંબુનો રસ
૧ ડુંગળી (બારીક સમારેલી)
૨-૩ ચમચી મેંદો
૧ ચમચી ગરમ મસાલો
૧/૨ ચમચી હળદર
કોથમીર (બારીક સમારેલી)
મીઠું સ્વાદ અનુસાર
તેલ અથવા ઘી પેટિસ શેકવા માટે
રીત :-
સૌ પ્રથમ એક વાસણમાં સોયા ચન્ક્સ લઈ, તે ડુબે એટલું પાણી અને થોડું મીઠું નાખીને એક ઉભરો આવે ત્યાં સુધી ઉકાળો. પછી ચારણીમાં નાંખી ને પાણી નિતારી લો. મકાઇના દાણાં તથા દાળિયાને મિક્સરમાં ક્રશ કરી લો. બહુ લીસી પેસ્ટ ના કરવી, સહેજ અધકચરું રહેવા દેવું. ત્યાર બાદ એક બાઉલમાં આ મિશ્રણ કાઢી, તેમાં ઉકળેલાં સોયા ચન્ક્સ, આદુ-લસણની પેસ્ટ, ઝીણા સમારેલા મરચાં, ડુંગળી, લીંબુનો રસ, મીઠું, ગરમ મસાલો, હળદર, કોથમીર એ બધું જ ઉમેરીને બરાબર મિક્સ કરવું. અને આ મિશ્રણમાં બાઈન્ડિંગ માટે જરૂર મુજબ મેંદો ઉમેરવો.
હવે, આ મિશ્રણમાંથી મનપસંદ આકારની ટિક્કી બનાવીને નૉન-સ્ટીક તવી પર તેલ મૂકીને બંને બાજુ શેકી લેવી.
ટિક્કીને લીલી ચટણી અથવા ટોમટો-ચિલી સોસ સાથે સર્વ કરો.
પંજાબી છોલે
સામગ્રી :-
૨૦૦ ગ્રામ કાબુલી ચણા
૪ નંગ – મધ્યમ સાઈઝની ડુંગળી (ક્રશ કરેલી)
૩ નંગ મધ્યમ સાઈઝના ટમેટા ( પ્યુરે બનાવી લો)
૨ – ૩ નંગ લીલા મરચા
૮ – ૧૦ કળી લસણ
૧ ઈંચ આદુનો ટૂકડો (મરચા,લસણ અને આદુની પેસ્ટ બનાવી તેમાંથી ૧ ટેબલસ્પૂન લો)
૨ ટેબલ સ્પૂન કોથમીર સમારેલી
૧ ટી સ્પૂન લાલ મરચુ
૧/૨ ટી સ્પૂન હળદર પાઉડર
૧ ટી સ્પૂન ધાણાજીરુ પાઉડર
૧ ટી સ્પૂન ગરમ મસાલો
૧ ટી સ્પૂન આમચૂર પાઉડર (ગરમ મસાલો અને આમચૂર પાઉડરને બદલે ૧ ટી સ્પૂન છોલે મસાલો પણ નાખી શકાય)
૨ ટેબલ સ્પૂન તેલ
૧ ટેબલ સ્પૂન ઘી
ચપટી હીંગ
મીઠું સ્વાદ પ્રમાણે
રીત :-
ચણાને ૭ – ૮ કલાક પાણીમાં પલાળી રાખો. ત્યારબાદ તેને પ્રેશરકૂકરમાં ૧ ગ્લાસ પાણી સાથે ચપટી મીઠું નાખી બાફી લો. ત્યારબાદ એક પૅનમાં તેલ તથા ઘી નાખી ગરમ કરો. તેમાં ચપટી હિંગ ઉમેરો અને ડુંગળીની પેસ્ટ નાખી ૨ થી ૩ મિનિટ સાંતળો. ત્યારબાદ તેમાં આદુ, મરચા, લસણની પેસ્ટ નાખી ૨ મિનિટ સાંતળી ટમેટો પ્યુરે ઉમેરો. ફરી ૨ થી ૪ મિનિટ સાંતળો. તેલ છૂટું પડે એટલે ગરમ મસાલો, આમચૂર પાઉડર,લાલ મરચુ, હળદર, ધાણાજીરુ પાઉડર વારાફરતી ઉમેરો. થોડીવાર હલાવી બાફેલા ચણા (જો ગ્રેવી કરવી હોય તો સાથે ૨ થી ૩ ટેબલ સ્પૂન પાણી નાખો) ઉમેરો. હલાવી ૩ થી ૪ મિનિટ પછી ગેસ પરથી ઉતારી લો. ઉપરથી સમારેલી કોથમીર નાખી ઢાંકી દો.
(કહેવાય ભલે પંજાબી છોલે પણ આ છોલે રોટલી, પરાઠા, ભાત અને of course ભટૂરે સાથે ખૂબ જ સ્વાદિષ્ટ લાગે છે.) ,
ટમેટો સૂપ
ટમેટો સૂપ
સામગ્રી :-
૫૦૦ ગ્રામ ટમેટા
૧ ડૂંગળી
૧ લીલું મરચું
૧ નાનુ બટાકુ (જો થોડો કણીદાર કરવો હોય તો)
૧ ચમચી આદુ મરચાની પેસ્ટ
૧ ચમચો માખણ
મીઠૂં અને ખાંડ સ્વાદ પ્રમાણે
રીત :-
સૌથી પહેલા તો ટમેટાને ધોઈને બે કે ચાર ટૂકડા કરીને પ્રેશર કૂકરમાં બાફી લો. એની સાથે જ ડૂંગળીના પણ ટૂકડા કરી બાફી લો. અને જો સૂપને થોડો કણીદાર કરવો હોય તો બાફવામાં સાથે એક નાનું બટાકુ પણ નાખી દો. આ બધું જ બફાઈ જાય પછી તેને અલગ રાખી લો હવે એક વાસણમાં માખણ ગરમ કરી તેમાં લીલું મરચું, આદુ મરચાની પૅસ્ટ સાંતળો અને બાફેલા ટમેટાને તેમાં નાખી દો થોડીવાર હલાવી ને પછી ગેસ પરથી ઉતારી તેમાં હેન્ડ મિક્સી ફેરવીને બરાબર ક્રશ કરી લો. ત્યારબાદ આ મિશ્રણને ગાળી લો. તેમાં સ્વાદ પ્રમાણે ખાંડ અને મીઠું ઉમેરો અને ગેસ પર મુકીને ઉકાળો (હલાવતા રહો). જરુર પ્રમાણે ઘાટો થવા દો . ઉપરથી જરુર પ્રમાણે છીણેલું ચીઝ, ફુદિનો વગેરે નાખીને સર્વ કરો
Subscribe to:
Posts (Atom)