કાકડીના પરોઠાં

Source: Bhavanaben Trivedi, Ahmedabad  

 

સામગ્રી

કાકડીનું છીણ - ૧ કપ
ચોખાનો લોટ - ૨ વાટકી
ઘઉંનો લોટ - ૨ વાટકી
આદું-મરચાંની પેસ્ટ - ૨ ચમચી
ઝીણી સમારેલી કોથમીર - ૧ વાટકી
શેકેલા જીરાનો પાઉડર - ૧ ચમચી
તલ - ૨ ચમચી
મીઠું – સ્વાદાનુસાર
તેલ - જરૂર પ્રમાણે

રીત

એક બાઉલમાં કાકડીનું છીણ, આદું-મરચાંની પેસ્ટ, જીરાનો પાઉડર, તલ અને ચોખાનો લોટ મિક્સ કરો. તેમાં થોડો ઘઉંનો લોટ પણ ભેળવો. સ્વાદ પ્રમાણે મીઠું ભેળવી તેમાં મોણ પૂરતું તેલ નાખી કણક બાંધો. કણકમાંથી એક્સરખા ભાગના લૂઆ લઇ તેમાંથી પહેલાં નાની પાતળી રોટલી વણી લો. તેની વચ્ચે કાકડીના છીણનું મિશ્રણ મૂકી ફરી ગોળ વાળી પરોઠા વણો. પરોઠાંને લોઢી પર બંને બાજુએ તેલ મૂકી શેકી લો.