પાલક મેથીના બાજરીનાં વડાં

Source: Bhaskar News, Ahmedabad  

 

સામગ્રી

બાજરીનો લોટ - ૧ કપ
ઘઉંનો લોટ - પા કપ
સમારેલી પાલક - ૧ વાટકી
સમારેલી મેથી - અડધી વાટકી
તલ - અડધી ચમચી
વરિયાળી - ૧ ચમચી
સમારેલી કોથમીર - અડધી વાટકી
તેલ - તળવા માટે
મીઠું - સ્વાદ મુજબ
લીલાં મરચાં - ૨-૩ નંગ
આદું - નાનો ટુકડો
ખાંડ - એક ચમચી
દહીં - અડધી વાટકી
નવશેકું પાણી - જરૂર પ્રમાણે

રીત

આદું-મરચાંની પેસ્ટ, ખાંડ અને દહીં નાખી નવશેકા પાણીથી લોટ બાંધો. પછી તેમાં વરિયાળી અને તલ પણ ભેળવો. આ લોટની કણક બાંધી અડધો કલાક મૂકી રાખો. ત્યાર બાદ તેમાંથી પ્રમાણસર લુઆ લઈ ગોળ વડા બનાવો. તેને હથેળીથી સહેજ દબાવીને ચપટો આકાર આપો. એક કડાઈમાં તેલ ગરમ કરી તેમાં આ વડાને ધીમી આંચે આછા બ્રાઉન રંગના થાય ત્યાં સુધી તળો. પછી એબ્સોર્બન્ટ પેપર ઉપર કાઢી લો.