રાઈસ વિટામિન બિન્‍સ બોલ

સામગ્રી :
ચોખા ૨૫૦ ગ્રામ
માખણ ૫૦ ગ્રામ
ચીઝ ૫૦ ગ્રામ
મેંદો અડધો કપ
મીઠું, આદું-મરચાંની પેસ્‍ટ.
ભરવાનો મસાલો :
મગ ૫૦ ગ્રામ
મઠ ૫૦ ગ્રામ
ચોખા ૨૫ ગ્રામ
વાલ ૨૫ ગ્રામ
સોયાબીન ૨૫ ગ્રામ
વટાણા ૨૫ ગ્રામ
ચણા ૨૫ ગ્રામ
કાબુલી ચણા ૨૫ ગ્રામ
લીલી ખોપરાનું ખમણ અડધી વાટકી
તેલ, આદું-મરચાંની પેસ્‍ટ,
તજ-લવિંગનો ભુક્કો,
કોથમીર, ફુદીનો,
એક લીંબુ, હળદર, મીઠું.
રીત :
ચોખાને ધોઈ, અડધો કલાક પલાળવા. પ્રમાણસર પાણી અને મીઠું નાખી ભાત રાંધવા. એમાં છીણેલું ચીઝ, માખણ, મેંદો, મીઠું, આદું-મરચાંની પેસ્‍ટ મિકસ કરવું. બધાં કઠોળને રાત્રે પલાળી, બાફી, પાણી નિતારી લેવું. નોનસ્ટિકમાં તેલ ગરમ કરી, આદું-મરચાં, તજ-લવિંગની પેસ્‍ટ સાંતળવી. બધાં કઠોળ મિકસ કરી ખોપરાનું ખમણ નાખી ૧૦-૧૨ મિનિટ હલાવતા રહેવું. ભચકા જેવું થાય એટલે ઠંડું પાડી નાના ગોળા વાળવા. હથેળી પર ચોખાનું મિશ્રણ લગાડી, કઠોળનો બોલ મૂકો. બરાબર ગોળા વાળવા અને મેંદાની પેસ્‍ટમાં બોળી ગરમ તેલમાં તળવા. ગ્રીન ચટણી અથવા ટોમેટો સોસ સાથે સર્વ કરવું.