કાજૂ-બદામના ઘૂઘરા

સામગ્રી :
૨પ૦ ગ્રામ મેંદો,
પ૦ ગ્રામ શેકેલ રવો,
પ૦ ગ્રામ માવો,
પ૦ ગ્રામ બદામ,
પ૦ ગ્રામ કાજૂ,
૨૦૦ ગ્રામ દળેલી ખાંડ,
૧૦૦ ગ્રામ ઘી,
પ૦ ગ્રામ ટોપરાનું ખમણ,
એલચી તથા દ્રાક્ષ સ્‍વાદ પ્રમાણે,
તળવા માટે ઘી અથવા તેલ.
રીત :
બદામ અને કાજૂને ખાંડી લેવા તેમા માવો, શેકેલો રવો, કોપરાનું ખમણ, એલચી, દ્રાક્ષ તથા ખાંડ નાખીને બરોબર ભેળવી મિશ્રણ તૈયાર કરવું. મેંદાને દૂધ તથા ઘી સાથે ખૂબ મેળવીને પૂરી જેવો લોટ બનાવવો. તેમાથી પૂરી વણી તેની વચ્‍ચે તૈયાર મિશ્રણ મૂકીને ઘૂઘરાના મોલ્‍ડ દ્વારા ઘૂઘરા બનાવવા. બાદમાં તેને તળી લેવા. ઠંડા થયા બાદ સર્વ કરવા.