રીચ મુખવાસ

સામગ્રી :
10 નંગ કલકત્તી (નાગરવેલ) પાન,
2 ચમચી સોપારીની કતરણ,
2 ચમચી મીઠું અને હળદર ચડાવેલા તલ,
2 ચમચી મીઠી વરીયાળીનો ભૂકો,
અડધી ચમચી લવલી મસાલો,
અડધી ચમચી લવિંગ પાવડર,
1 ચમચી કાથા પાવડર,
1 ચમચી ગુલાબજળ,
અડધી ચમચી એલચી પાવડર,
ચપટી ઈજમેટના ફૂલ.
રીત :
કલકત્તી પાનને છાંયામાં સૂકવવા. હવે એક બાઉલમાં સોપારીની કતરણ, તલ, મીઠી વરીયાળીનો ભૂકો, લવલી મસાલો અને લવિંગ પાવડર ઉમેરી બધું મિક્સ કરો. તેમાં સૂકવેલા પાનનો ભૂકો અને કાથો ઉમેરી ફરી મિક્સ કરો. હવે તેમાં ગુલાબજળ, ઈજમેટના ફૂલ અને એલચી પાવડર ઉમેરી, બધુ સરખી રીતે ભેળવી, 5 થી 10 મિનિટ માટે મિશ્રણને દાબી દો. ત્યારબાદ સર્વિંગ ડીશમાં કાઢી લો. આ મુખવાસ કાચની બોટલમાં ભરી દેવાથી અઠવાડિયા - 10 દિવસ સુધી સારો રહે છે.