ખજૂરના ઘૂઘરા

સામગ્રી :
ખજૂર ૨૫૦ ગ્રામ,
ખસખસ ૧૫ ગ્રામ,
ચારોળી ૧૫ ગ્રામ,
એલચી ૧૦ ગ્રામ,
મેંદો ૧૨૫ ગ્રામ,
દળેલી ખાંડ ૫૦ ગ્રામ,
ઘી ૨૫૦ ગ્રામ.
બનાવવાની વિધિ :
ખજૂરમાંથી ઠળિયા કાઢી તેને ટુકડા જેવું કરીને કડાઇમાં ઘી નાંખીને જરા સાંતળી લો. તે નરમ થઇ ગયા બાદ ઠંડું પાડો અને પછી તેમાં દળેલી ખાંડ, એલચી પાઉડર, ચારોલી, ખસખસ વગેરે નાંખીને તેનું પુરણ બનાવો. પછી થોડું ઘી લઇ તેને થાળીમાં ફીણો. મેંદાનો લોટ કઠણ બાંધો. તેને ઝુડીને નરમ પાડો અને તેમાં ખજૂરનું પુરણ ભરાય તેવી પુરી બનાવીને પુરણ ભરી ઘુઘરા બનાવો ગરમ ઘીમાં તળી લો.