ચીઝી ગોલ્ડન ફિંગર્સ

સામગ્રી :-
૬ થી ૭ બ્રેડની સ્લાઈસ,
૧ ખમણેલું ગાજર,
૧ ઝીણી સુધારેલી કાકડી,
૨ ચમચા નરમ માખણ,
૧ ચમચી રાઈનો પાવડર,
૩ ચમચા તાજું ક્રીમ,
૫ ચમચા ખમણેલું ચીઝ,
૧ બારીક સમારેલું લીલું મરચું, મીઠું.
રીત :-
(૧) બ્રેડની સ્લાઈસોના ટોસ્ટ બનાવવા.
(૨) માખણ, રાઈનો પાવડર અને ૩ ચમચા ચીઝ મિકસ કરી નરમ થાય ત્યાં સુધી ફીણવું.
(૩) ગાજર, કાકડી, લીલા મરચાં, ક્રીમ અને મીઠું નાખવા અને બરાબર મિકસ કરવું.
(૪) દરેક ટોસ્ટ પર આ મિશ્રણ લગાડવું અને ઉપર બાકીનું ચીઝ ભભરાવવું.
(૫) ગરમ ઓવનમાં ૪૫૦અંશ ફે. તાપે ૧૦ થી ૧૫ મિનિટ ગ્રીલ કરવા અથવા બેક કરવા.