ગાજરનો પુલાવ

સામગ્રી :-
પનીર ૨૫૦ ગ્રામ,
૧ વાટકી ચોખા બાસમતી,
૧ કપ પાણી,
૨ નાના ગાજર,
૨ ચમચા ઘી, ૧ કાંદો,
૨ ચમચા આદુની પેસ્ટ,
ગરમ મસાલો,
૪ તેજ પત્તા,
૮ નાની ઇલાયચી,
૧/૫ કપ મરી, બધું ભેગું કરી ખાંડવું,
૫ તજના કટકા, ૧૦ લવિંગ,
૧ ચમચી શાહજીરું, ઘી, કોથમીર, કોર્નફ્લોર,
ટામેટાની ગ્રેવી, ચાંદીનો વરખ.
રીત :-
પ્રેશર કુકરમાં ૨ ચમચા ઘી નાખી તેમાં બધો જ ગરમ મસાલો નાખી ૨ મિનિટ સાંતળો. ત્યારબાદ ટામેટાની ગ્રેવી, ઝીણો સમારેલો કાંદો, ગરમ મસાલો, મીઠું નાખી સાંતળો. ગાજરના લાંબા પાતળા કટકા કરી ૨ કપ પાણી નાખો ત્યારબાદ ચોખા નાખી કુકરમાં બે સીટી વગાડો. પુલાવ ઠરે એટલે તેના ઉપર ચાંદીનો વરખ અને કોથમીર નાખી પીરસવું.