પંચરત્ન પેટીસ

Source: Bharati Shah, Ahmedabad

 

સામગ્રી

મગ, મઠ, ચણા - ૧ વાટકી

સમારેલી ફણસી - ૧ વાટકી

વટાણા - ૧ વાટકી

સમારેલી દૂધી - ૧ વાટકી

કાચા કેળાં - ૨ નંગ

સફરજન - ૧ નંગ

દાડમના દાણા - ૫૦ ગ્રામ

ચીઝ/પનીર - ૨ ચમચા

આદું-મરચાની પેસ્ટ - ૧ ચમચી

બ્રેડક્રમ્બ્સ - ૨ ચમચા

ગરમ મસાલો - ૧ ચમચી

હળદર - પા ચમચી

ચાટ મસાલો - ૧ ચમચી

સૂકો મેવો - જરૂર પ્રમાણે

લીંબુનો રસ - ૨ ચમચી

મીઠું - સ્વાદ અનુસાર

 

રીત

સૌપહેલાં બધાં કઠોળને ભેગા કરી ત્રણ-ચાર કલાક પલાળી રાખો. પછી તેમાં મીઠું નાખી બાફી લેવા. કાચા કેળાંને બાફી, છોલીને છુંદો કરો. સફરજનને છીણવું. ફણસી, વટાણા અને દૂધીને બાફી લેવા. ત્યાર બાદ બધી જ સામગ્રી ભેગી કરીને મિશ્રણ તૈયાર કરો. આમાંથી નાના નાના ગોળા વાળી પેટીસનો આકાર આપી નોનસ્ટિકમાં આછા બદામી રંગની સાંતળો. સોસ કે ગ્રીન ચટણી સાથે ગરમ પેટીસનો સ્વાદ માણો.