સીગદાણાના લાડુ

સામગ્રી -
200 ગ્રામ સીંગદાણા,
50 ગ્રામ ગોળ,
બે-ત્રણ ઈલાયચી,
કાજુ-બદામનો ભૂકો બે ચમચી,
એક ચમચી ઘી.
રીત -
સીંગદાણાને સેકી તેના છાલટા કાઢી સાફ કરી લો. હવે ગોળનો ભૂકો કરી લો. મિક્સરમાં સીંગદાણા, ઈલાયચીના દાણા, અને ગોળ નાખી બે-ત્રણ સેકંડ ચલાવી લો. સીંગદાણાનો ભૂકો દરદરો રહેવો જોઈએ. એક થાળીમાં આ મિશ્રણને કાઢી તેમાં કાજુ બદામની કતરન,કિશમિશ અને ઘી ગરમ કરેલું નાખી સારી રીતે ભેળવી લો. હવે આ મિશ્રણના નાના લાડુ બનાવી લો.
આ લાડુ ધણા પૌષ્ટિક હોય છે અને આ દસ દિવસ સુધી પણ રાખી મૂકો તો ખરાબ થતાં નથી.