વેજિટેબલ ઉપમા

સામગ્રી :
શેકેલો રવો - ૧ કપ,
બટાકાના અડધા ઈંચના ટુકડા - ૧ નંગ,
ગાજરના અડધા ઈંચના ટુકડા - ૧ નંગ,
ફુલાવર - ૫-૬ નાનાં ફૂલ,
ફણસીના અડધા ઈંચના ટુકડા - ૩-૪ નંગ,
લીલા વટાણા - ૨ ચમચા,
લીલાં કેપ્સિકમના અડધા ઈંચના ટુકડા - અડધું,
તેલ - ૨ ચમચા, રાઈ - પા ચમચી,
અડદની દાળ - ૧ ચમચી,
લીમડો - ૭-૮ પાન,
સમારેલી ડુંગળી - ૧ નંગ નાની,
સમારેલું આદું - નાનો ટુકડો,
લીલાં મરચાંની ચીરીઓ - ૨ નંગ,
મીઠું - સ્વાદ મુજબ
રીત :
ઊંડી કડાઈમાં તેલ ગરમ કરી, તેમાં રાઈ અને અડદની દાળ નાખો. રાઈ તડતડે એટલે લીમડો અને સમારેલી ડુંગળી નાખી ડુંગળી આછા બ્રાઉન રંગની થાય ત્યાં સુધી સાંતળો. હવે બટાકા, ગાજર, ફુલાવર અને ફણસી નાખીને હલાવો. મીઠું ભેળવીને મઘ્યમ આંચ રાખી બધાં શાક નરમ થાય ત્યાં સુધી રહેવા દો. આદું, લીલાં મરચાંની ચીરીઓ, વટાણા અને કેપ્સિકમ મિકસ કરો. અઢી કપ પાણી રેડી તેને ઊકળવા દો. પછી ઢાંકીને મઘ્યમ આંચે બધા શાક બફાઈ જાય ત્યાં સુધી રાખો. રવો નાખીને હલાવો. ઢાંકણું ઢાંકીને મઘ્યમ આંચે ઉપમા સીઝી જાય અને બધું પાણી શોષાઈ જાય ત્યાં સુધી રહેવા દો. ગરમ ગરમ વેજિટેબલ ઉપમાનો સ્વાદ માણો.