રાજગરાની પુરી

સામગ્રી : (ચાર વ્યક્તિ માટે)
૨૫૦ ગ્રામ રાજગરાનો લોટ
મીઠું , મરી, જીરૂ,
તળવા માટે તેલ.
બનાવવાની રીત :
રાજગરાના લોટમા માફકસર મીઠું, મરી, તથા જીરૂ નાંખી ભેળવી લો. હવે હુંફાળા ગરમ પાણીથી લોટ બાંધો. પણ અહીં સામાન્ય પુરી કરતા સહેજ કઠણ લોટ બાંધવો. તેમજ લોટ બંધાય જાય એટલે તરત નાના નાના લુઆ તૈયાર કરી લોટ ઢાંકી દેવો. હવે થોડું અટામણ લઈ નાની નાની પુરીઓ વણી ઉકળતા તેલ માં તળી લો. આ પુરી તમે ચા સાથે નાસ્તામાં અથવા બટેટાની સુકીભાજી સાથે જમવામા લઈ શકો છો. આ ફરાળી વાનગીઓ ઉપવાસ એક્ટાણામાં ખુબ જ ઉપયોગમા લેવામાં આવે છે.