રાજગરાનો ચેવડો

રાજગરાનો ચેવડો (ચાર વ્યક્તિ માટે)

સામગ્રી :
૨૫૦ ગ્રામ રાજગરો,
૧૦૦ ગ્રામ સીંગદાણા,
૫૦ ગ્રામ તળેલા સાબુદાણા,
૧૫૦ ગ્રામ ખમણ પત્રી,
તળવા માટે તેલ.
મીઠુ ,મરી, લાલમરચૂ,
દળેલી ખાંડ, (પ્રમાણસર)
બનાવવાની રીત :
સૌ પ્રથમ રાજગરાના લોટમાં પ્રમાણસર મીઠુ, મરી નાખી હલાવી લો . ત્યારબાદ તેમાં થોડુ થોડુ પાણી ઉમેરતા જઈ સેવ પાડી શકાય તેવો બહુ કઠણ પણ નહી અને બહુ ઢીલો પણ નહી એવો માફકસર લોટ બાંધી લો. હવે સેવ પાડવાના સંચામાં તેને ભરી ઝીણી સેવ પાડી ઉકળતા તેલ માં તળી લો. હવે એક પ્લેટ માં માંડવીના દાણા તથા ખમણ પત્રી તળીને અલગ રાખો. તળેલી રાજગરાની સેવ પર આ તળેલા માંડવીના દાણા, પત્રી તથા તળેલા સાબુદાણા નાંખો. આ મિશ્રણમાં થોડુ મીઠું, લાલ મરચું, તથા દળેલી ખાંડ ભભરાવો. (અહીં દળેલી ખાંડ વધારે નાંખવી.) આમ આપનો રાજગરાનો ચેવડો તૈયાર થઈ ગયો છે જે આપ ઉપવાસ એકટાણામાં લઈ શકો છો.