ફરાળી આઇસ્ક્રીમ

સામગ્રી :
૧ લીટર દૂધ,
૫૦ ગ્રામ ક્રીમ,
૧૦૦ ગ્રામ કેસરી પેંડા,
૧ ચમચી દળેલી ખાંડ,
એલચી, બદામ,
પિસ્તા, કેસર.
રીત :
એક તપેલીમાં દૂધ ઉકળવા મૂકવું. થોડુ ગરમ દૂધ અલગ લઇને તેમાં કેસર મિકસ કરવું. દૂધ ઉકળીને અડધુ થઇ જાય ત્યારે ઉતારી તેમાં કેસરી પેંડા, કેસર દળેલી ખાંડ અને એલચીનો પાવડર નાખવો. ઠંડુ પડે એટલે તેમાં ક્રીમ નાખી મીકસરમાં ક્રશ કરો.
હવે આ મિશ્રણને એલ્યુમિનિયમનાં ડબ્બામાં ભરી, ફ્રિઝરમાં મૂકો. જામી જાય એટલે કાઢી ફરી મીકસરમાં ક્રશ કરી તેમાં છીણેલી બદામ- પિસ્તાની કતરીથી સજાવી, ફરી ફ્રિઝરમાં મૂકી દો. જામી જાય એટલે બહાર કાઢી આરોગો.